روحم سڭ عاشق سڭ حيراندر افندم
بر بن دگل عالم سڭ حيراندر افندم
أجرامُ فلك لوحِ قلم مستِ نگهم
ديداريگ عاشق اولو يزداندر افندم
محشره نبيلر بيله سندن مدد ايستر
رحمت ديين عالملره رحمندر افندم
قطميريڭز اي شاهِ رسول قوغما قاپوڭدن
عاصيلره لطفڭ يوجه فرماندر افندم
تا عرشه جيقار هر كيجه عاشقلرڭ آهي
مدح ايله ين اخلاقڭي قرآن در افندم
عشقڭله بخوردان كبي توتمكده بو قلبم
سنسز بڭ جنّت بيله هجراندر افندم
طوغ قلبمه بر لحظه جق اي نورِ دلآرا
نورڭكه كوگل درديمه درماندر افندم
علوي سنڭ باغري يانيق عاشقِ زارڭ
فريادي بتون آتشِ سوزاندر افندم
علي علوي قوروجي